Færslur: 2005 Október

11.10.2005 11:30

Ætlar að róa í kringum Ísland á sjókajak

Breskur umferðarlögregluþjónn, Sean Morley, hyggst verða fyrstur manna til þess að róa í kringum Ísland á sjókajak næsta sumar. Morley hefur áður slegið met í kajakróðri en hann réri eitt sinn meðfram úthafsströndum þeirra byggðu eyja sem tilheyra Bretlandi og Írlandi.

Fréttavefurinn This is Cornwall hefur það eftir Morley að hann eigi von á því að verða barinn af háum öldum og hvössum vindum við strendur ?lands íss og elds? eins og Morley kallar það, en vegalengdin umhverfis landið er samkvæmt fréttavefnum um 1.500 mílur eða 2.415 km.

Lögregluþjónninn fertugi er þó ekki fyrstur til þess að róa í kringum Ísland á sjókajak því félögunum Nigel Foster og Geoff Hunter tókst það í sameiningu árið 1977. Takist Morley hið sama mun hann verða fyrstur til þess að gera það einn síns liðs. Skotinn Jonathan Burleigh komst þó nærri því að klára slíka sjóferð fyrir tveimur árum síðan en varð að binda endi á för sína þegar um 240 km vantaði upp á sökum veðurs.

Morley hyggst leggja af stað í maí. ?Ég er gríðarlega spenntur fyrir þessari ferð. Hún hefur mun meira þýðingu fyrir mig en að setja heimsmet,? segir hann í viðtali við fréttavefinn. Ísland sé ótrúlega fagurt land og Íslendingar séu þekktir fyrir gestrisni. Stærsta áskorunin verði við suðurströndina þar sem gríðarstórar öldur berji strendurnar án afláts. Ferðin muni reyna á hæfni hans, reynslu og úthald til hins ýtrasta.

Róður Morley meðfram bresku og írsku ströndunum tók hann sex mánuði enda vegalengdin um 7.250 km en sá róður var í góðgerðarskyni. Íslandsróðurinn verður einnig í góðgerðarskyni og vonast Morley til þess að safna í það minnsta tíu þúsund sterlingspundum í þeirri ferð.

frétt tekin af mbl.is þann 11.Okt .2005

http://www.expeditionkayak.com/sean.php

 

01.10.2005 22:49

Kayaknámskeið

Meðlimir Kaj héldu kayaknámskeið fyrir nokkra þáttakendur á landsmóti SAMFÉS 1. okt. s.l. í Neskaupstað

Námskeið fyrir Samfés 2005 033.jpg

Námskeiðið stóð frá 10-16.  Farið var yfir undirstöðuatriði í kayakróðri, kennsla í sundlaug og gerðar veltur og björgunaræfingar og ekki hægt að sleppa því að fara í sjóferð.  Dagurinn endaður á því að horfa á kayakmyndband þar sem sumir sofnuðu.  Skemmtilegur hópur þó sumir hafi orðið þreyttir í lok dags.  Myndir er að finna undir myndaalbúm hér á síðunni.

Þátttakendur:

Garðar Már, Anton Örn, Anna María, Harpa Björt, Hákon, Rakel M., Sigurjon, Birkir og Thelma Hrund Sig.

Leiðbeinendur

Ari Ben, Ingólfur Finnsson og Hrefna Ingólfsdóttir

 

  • 1
Flettingar í dag: 15
Gestir í dag: 10
Flettingar í gær: 82
Gestir í gær: 27
Samtals flettingar: 999542
Samtals gestir: 159198
Tölur uppfærðar: 19.10.2017 03:15:34

Upplýsingar

Nafn:

Kajakklúbburinn Kaj

Farsími:

863 9939

Afmælisdagur:

stofnaður árið 1993

Staðsetning:

Neskaupstað

Heimasími:

477 1650

MySpace vefsíða:

http://tinyurl.com/o9p9fzo

Um:

Endilega sendið inn efni á vefinn á ofangreint netfang

Kennitala:

661006 1880

Bankanúmer:

1106-26-1006 1106-15-550415 168-05-60984

Tenglar

eXTReMe Tracker